Art da scalegl particular – Creaziuns individualas
Miu art da scalegl ei singulars en sia natira, surprendents en l' elavuraziun e surtut particulars en sia pareta.
Ovras d`art formadas cun pissiun e fantasia.
La cumbinaziun dalla forza expressiva-artistica cun la habilitad artisanala lai formar mei ovras d`art unicas. Mintga creaziun corrispunda cun mia persuna e cun mias valurs.
Il crap scalegl, en sia fuorma naturala, inspirescha mei da formar e suandar sias lingias, ch`ein dadas gia avon milliuns dad onns. Il respect per quella materia e la marveglia da scuvierer mintga toc dat a mi satisfacziun ed a miu art siu segn caracteristic.
.
Crap scalegl
In original che fascinescha grond e pign.
La significaziun scientifica da scalegl ei steatit. El exista principalmein ord ils dus minerals talc e clorit che cuntegnan magnesium e fier. Il talc effectuescha la lomezia dil scalegl. Silla scala da direzia da ``Moesch`` (1-10) ei scalegl sin 1, quei vul dir, ch`el ei fetg loms. Dalla peisa specifica enneu eis el pli grevs che auters craps. Scalegl anfl`ins en differents loghens sigl entir mund ed en differentas colurs e qualitads.
Il crap scalegl svizzer, ch`jeu drovel per miu art ei clar grischs tochen stgir verds cun variaziuns dad alv e brin.
La lavur sco artista da crap scalegl dat a mi cuntentientscha, in grondius sentiment da libertad e savens era in ruaus intern-meditativ.
Esser creativa ei adina stau in basegns fundamental en mia veta. Saver viver ora mia creativitad ei per mei ina dallas clavs essenzialas per ina veta cumplenida.
Per ordinari lavurel jeu vid incaricas da differenta clientella. Da temps en temps sefatschentel jeu denton era cun in intent persunal, che dat lu a mi nov`inspiraziun en la lavur artistica.
Quicklinks
rgc-art
Regina Giger-Caminada
Via Alpsu 105
CH- 7180 Disentis/ Mustér
0041 79 228 53 23
[email protected]